Presidenti ukrainas, Volodymyr Zelensky ditën e sotme ka zhvilluar një takim me aktorin dhe regjistorin Sean Penn.
Ai e ka falenderuar Penn për mbështetjen që po i jep popullit ukrainas në këto ditë të vështira për shkak të luftës me Rusinë dhe për dokumentarin që ai po realizon në Ukrainë për t’i treguar të gjithë botës mizoritë e rusëve.
“Aktori dhe regjisori Sean Penn po bën një dokumentar për luftën në Ukrainë. Që nga dita e parë e pushtimit gjithëpërfshirës, ai ishte në Kiev dhe pa me sytë e tij se çfarë është agresioni rus. E gjithë bota së shpejti do të jetë në gjendje të shoh të gjithë të vërtetën për luftën falë filmit të tij. Sean, faleminderit për mbështetjen e shtetit tonë dhe popullit tonë!” tha Zelensky.
Aktori amerikan Sean Penn vizitoi Kievin për herë të dytë gjatë luftës. Aktori po realizon një dokumentar për luftën ruso-ukrainase. Ai tashmë ka vizituar Bucha dhe Irpin për të parë pasojat e mizorive ruse.
a.m/dita
