Melania Trump dyshohet se “përfitoi” nga rasti gjyqësor i Donald Trump, për të rinegociuar këtë pjesë të martesës së tyre. Duket se shumë burime pohojnë se ish-modelja e njohur ballkanike po e përdor kaosin në avantazhin e saj financiar. Tani, nëse keni qenë të azhurnuar me familjen kontroverse, atëherë do të vini re se si për muaj të tërë, Melania po e mbante veten larg syrit të publikut, dhe më pas krejt papritur, u bë gati për të qenë Përsëri Zonja e Parë. Epo, duket se tani e dimë arsyen e supozuar pse.
Burime të shumta dhe të brendshëm kanë thënë për “RadarOnline” se Melania ka kërcënuar se do të rinegociojë martesën e saj dhe të Donaldit, pasi një juri e gjykatës urdhëroi Donaldin t’i paguante 5 milionë dollarë E. Jean Carroll, për shpifje.
Tani, shumë menduan se Melania ishte jashtëzakonisht e qetë gjatë çështjes së Donaldit, por duket se ajo po luante prapa skenave. Sipas këtyre personave të brendshëm, pothuajse në të njëjtën kohë me gjyqin, Melania foli për rritjen e pagesës mujore dhe trashëgimisë së djalit të tyre Barron Trump. Dhe në këmbim, ajo do ta ndihmonte Donaldin në drejtimin e fushatës së tij presidenciale 2024.
“Kjo ishte me të vërtetë një situatë “merre ose lëre”, tha një burim për “RadarOnline”. “Le të themi se Melania nuk ishte në disponim për të negociuar me Donaldin – dhe ai e dinte mirë se nuk kishte asnjë shans që të kthehej në Zyrën Ovale pa të”, shtoi një tjetër burim i brendshëm. “Ajo e përdori mirë situatën në avantazhin e saj në atë kohë (duke iu referuar kohës kur nuk iu bashkua Donaldit në Shtëpinë e Bardhë për gati gjashtë muaj) – dhe nuk pa asnjë arsye pse të mos e bënte përsëri”, tha një tjetër. Rezultati sipas burimeve: Melania merr më shumë “byrek” dhe Donaldi siguron besnikërinë e saj gjatë fushatës së tij (dhe shmang një divorc miliarda dollarësh, tani për tani!)
