BBC njofton se 9 udhëheqës të vendeve të Evropës Lindore kanë firmosur një deklaratë të përbashkët për dënimin e pushtimit të Ukrainës nga Rusia. BBC thotë se deklarata është publikuar nga presidenca polake.
Mes këtyre vendeve është edhe Hungaria.
Lajmi vjen vetëm disa ditë pasi kryeministri hungarez Viktor Orban u zotua të ruajë lidhjet me Moskën. Në deklaratën e firmosur nga liderët, Rusia akuzohet se ka bërë një gabim me luftën.
“Ne, krerët e shteteve dhe qeverive të Bullgarisë, Republikës Çeke, Estonisë, Hungarisë, Lituanisë, Letonisë, Polonisë, Rumanisë dhe Sllovakisë, u takuam sot, një vit pasi Rusia filloi luftën ose agresionin e saj të paprovokuar dhe brutale kundër Ukrainës.”
Më tej, vijojnë akuzat për Rusinë e cila, sic thuhet në deklaratë, paraqet një “kërcënim të drejtpërdrejtë” për sigurinë aleate.
Orban ka pasur lidhje të ngushta me Putinin që para luftës dhe ka refuzuar të bashkohet me vendet e tjera të BE-së në dërgimin e armëve në Ukrainë.
m.b./dita
