Nga Massimo Basile
NEW YORK – Emri i Donald Trump shfaqet më shumë se 3,200 herë në 3 milionë faqet mbi çështjen Epstein të publikuara nga Departamenti Amerikan i Drejtësisë.
Dhe disa dëshmi të paverifikuara, hedhin disa fakte të errëta mbi të kaluarën e presidentit amerikan dhe shënojnë një nga pikat më të ulëta në historinë e kohëve të fundit në Amerikë.
Grupi i fundit i faqeve të publikuara mbi rrjetin pedofil të ngritur nga Jeffrey Epstein, i cili vdiq në burg në vitin 2019, përmban gjithashtu 2,000 video dhe 180,000 imazhe. Ndërkohë tre milionë dokumente të tjera mund të mos e shohin kurrë dritën e ditës.
Faqet e reja të publikuara u njoftuan çuditërisht jo nga Prokurorja e Përgjithshme Pam Bondi, e cila sipas hipotezave u la mënjanë nga Trump për trajtimin e skandalit, por nga zëvendësi i saj, Todd Blanche, ish-avokati i presidentit.
“Ka një uri të madhe për lajme, por nuk mendoj se kjo uri do kënaqet nga dokumentet e reja”, tha ai.
Stafi editorial i gazetave kryesore amerikane vendosi ekipe gazetarësh që kërkonin referenca për Trump. Nuk u gjetën prova të dokumentuara, por kishte dëshmi. Sa të besueshme janë nuk dihet.
Një faqe dokumenti përshkruan dëshmi nga një vajzë 13 ose 14-vjeçare e cila, 35 vjet më parë, dyshohet se e kafshoi Trumpin ndërsa po detyrohej të kryente marrëdhënie intime me të.
Një tjetër përshkruan një vajzë 13-vjeçare që mbeti shtatzënë dhe u detyrua të abortonte.
Një faqe tjetër përshkruan një ankand të të miturave në të cilin mori pjesë manjati.
“Donald Trump, presidenti”, thuhet aty, “mbante festa në Mar-a-Lago të quajtura ‘vajzat e kalendarit’.
Jeffrey Epstein i sillte vajzat dhe Trump i nxirrte në ankand”. “Pjesëmarrësit ishin burra të mëdhenj në moshë, mes tyre edhe Elon Musk”.
“Ne mbaheshim në dhoma, të detyruara të kryenim marrëdhënie me Donald Trump. Isha 13 vjeç kur Donald Trump më përdhunoi. Ghislaine Maxwell ishte gjithashtu e pranishme” – thotë dëshmia.
Në këto faqe përmenden edhe festa ku dëshmitarët pretendojnë se manjati pagoi për kryerjen e marrdhënieve seksuale.
Në vitin 1987, një vajzë përfundoi në Trump Plaza për një takim me manjatin. Një i huaj ofroi ta prezantonte me të dhe i dha të pinte. Vajza, sipas këtyre dokumentave, u zgjua “e zhveshur dhe e lënduar, me 300 dollarë në shtrat”.
“Viktima nuk mbante mend se si përfundoi atje. Ajo telefonoi dikë dhe tha se ishte përdhunuar”.
Së fundmi, dokumentet përfshijnë një formular të FBI-së që “lidhet me një ankesë të vitit 1994 nga një grua që akuzonte Donald Trump se e kishte përdhunuar kur ishte minorene”. Gruaja – emri i së cilës nuk u publikua – “më vonë e tërhoqi akuzën” kundër presidentit aktual.
Shtëpia e Bardhë thotë se disa dokumente përmbajnë “akuza të rreme të bëra nga FBI para zgjedhjeve të vitit 2020”.
Dokumentet përfshijnë gjithashtu mesazhe me tekst të shkëmbyera midis zonjës së parë të ardhshme, Melania Trump dhe Maxwell, bashkëpunëtores të Epstein. Ato datojnë që nga viti 2002.
Melania komplimentoi një artikull reviste në lidhje me financierin. “Dhe dukesh shumë mirë në foto”, i shkroi ajo shoqes së saj, duke shtuar “Me dashuri, Melania”.
Nuk është e qartë se sa shumë zbulimet e reja, të pakonfirmuara nga hetimet, do ta ndryshojnë trajektoren politike të Trump, i cili fitoi zgjedhjet e vitit 2016 pavarësisht rrëfimeve me video se prekte gratë në pjesë intime.
Akuzat nuk u vërtetuan kurrë nga hetimet policore.
Megjithatë, historia vjen vetëm disa ditë pasi Maxwell, e dënuar me 20 vjet burg, deklaroi se të paktën 25 persona arritën “marrëveshje sekrete”, (për heshtje) ndërsa emrat e katër bashkëpunëtorëve të dyshuar në rrjetin pedofil nuk u publikuan kurrë.
Kjo gjendet në mocionin e Maxwell për të përmbysur dënimin e saj dhe u paraqit pa avokatët e saj. Duket si një paralajmërim. Por për kë?
Ndërkohë, një diagramë e “rrethit magjik” të Epstein (personat më frekuentues) është shfaqur në dokumente. Përveç Maxwell, aty janë dhe 11 foto personash të tjerë.
Gjashtë prej tyre janë fshirë.
La Repubblica
Kur te qi kadiu nuk ke me ke e ben davane !
Janë këto skenare të turpshme që janë kompromentuar ish presidentë dhe figura të njohura kështu pësuan Kenedët se ishin kundër që Izraeli të ketë bomba bërthamore sot Tramp është kundër që USA të sulmon Iranin për interesa të miliarderëve izraelitë
Lufte poitike, propagande qe zhvillohet perdite midis demokrateve dhe republikaneve (per vota) per 30 vjet qe kam ne Amerike. Rumours, rumours (thashetheme, thashetheme)
Vetem LAJM nuk ka ketu!!!
Pas dy vjetesh, asgje konkrete nuk eshte thene per Donald Trump-in deri tani!!! Vetem llafe boshe dhe pike.
Qe Trump ka qene nje kurvar i madh,vetem idiotet mund ta thone.Me urine e tij per seks nuk eshte cudi qe ka shku me te mitura se e ka drejtu koka e vogel.
Kam frike se mos na del kjo Historia e Bujkut, si veshi i Egin Cekes ne Vjene me ndermjetesimin e Fate Velajt. Mund te jete dhe inskenim, se i gjati eshte mjeshter i ketyre skenareve sa per distraksion apo kushedi se c’fare.
Jashte kontekstit te artikullit komenti. U postua gabimisht ketu. Ishte per artikullin e Thanos.
Kam kerkuar sot gjithe diten ne shtypin e internetin amerikan. Deri tani ne ore 8:33 te mbremjes nuk ka asnje fakt vetem thashetheme me karakter PROPAGANDISTIK kunder Trumpit.
Zoti Kryeredaktor!
Unë jam një njeri i thjeshtë. Nuk jam prokuror, as analist, as njohës i thellë i elitave globale. Por, si çdo qytetar që hap gazetat online me kafen e mëngjesit, u ndala i habitur te lista e emrave që dalin rreth skandalit Epstein.
Deri dje, këta emra më dukeshin si njerëz seriozë: ish-presidentë, biznesmenë të mëdhenj, akademikë, figura që na jepeshin si modele suksesi, morali dhe qytetërimi perëndimor. Sot i gjej të shënuar në dokumente që flasin për udhëtime seksuale, pedofili të neveritshme etj. Dhe këtu nis hutimi im.
Unë, si lexues naiv, pyes: si ka mundësi që për vite me radhë askush “nuk dinte asgjë”, ndërsa sot të gjithë dinë pak, por askush mjaftueshëm? Si ka mundësi që drejtësia ecën me hap të shpejtë vetëm kur personazhi kryesor është një si unë, person i zakonshëm? Ndërsa këta “VIP”-at vazhdojnë jetën, karrierën dhe reputacionin pothuajse të paprekur?
Na është thënë shpesh se ligji është i barabartë për të gjithë. Por, duke lexuar këto lajme, një lexues i zakonshëm fillon të dyshojë se ndoshta ligji është i barabartë vetëm për ata që nuk fluturojnë me avionë privatë dhe nuk kanë miq shumë të rëndësishëm që u ofrojnë fëmijë për në shtrat.
Më habit edhe diçka tjetër: sa shpejt skandali kthehet në thashethem, e thashethemi në lodhje publike. Pas pak javësh, do të flasim për diçka tjetër, sikur asgjë të mos ketë ndodhur. Dhe emrat do të mbeten sërish “emra të mëdhenj”.
Ndoshta jam vërtet naiv. Por kam ende përshtypjen se kur një skandal prek majat e pushtetit global, ai nuk është thjesht histori personale, por pasqyrë e një sistemi që mbron veten shumë më mirë sesa viktimat apo të vërtetën.
—-
Me respekt për Ditën dhe për veçanërisht për ju personalisht, nga një lexues që ende habitet