Kryetari i Grupit Parlamentar të Partisë Socialiste, Taulant Balla lajmëroi se në shtator do të miratohen ndryshimet për certifikatën e pastërtisë.
Me anë të një postimi në rrjetet sociale, Taulant Balla shkruan se është bërë e domosdoshme ndërhyrja ligjore për të rishikuar certifikatën e pastërtisë të të gjithë atyre që janë bërë pjesë e politikës.
Balla deklaron se Kuvendi i Shqipërisë gjithashtu do të duhet të adresojë edhe çështjen e “non gratave”.
Pra ‘sulmon’ edhe pse pa i përmendur me emra, Ilir Metën dhe Sali Berishën.
Postimi i plotë i Taulant Ballës:
Ngjitja e bashkëpunëtorëve të sigurimit të shtetit, një shërbimi sekret terrori, në të gjitha majat e piramidës shtetërore, ka bërë të domosdoshëm miratimin sa më parë nga Kuvendi i Shqipërisë, në sesionin e ri që nis në shtator, të ndërhyrjeve ligjore që janë depozituar tashmë sipas propozimit të Autoritetit të Dosjeve, për të rishikuar çertifikatën e pastërtisë të kujtdo që ka hyrë në politikë me përgjues në trup, si shërbëtor i Sigurimit të Shtetit. Kuvendi i Shqipërisë do të duhet të adresojë gjatë sesionit të ri edhe situatën e papranueshme dhe absurde prej një viti se si një sekretar partie i shpallur non grata nga Shtetet e Bashkuara të Amerikës dhe Mbretëria e Bashkuar, vazhdon të përdhosë këtë institucion me praninë dhe gjuhën e tij. Ne nuk ia drejtojmë dot bishtin as non gratës as bashkëpunetorëve, por ne nuk mund dhe nuk duhet të lejojmë të keqen të vazhdojë të bëjë moral me shpresën se do të hajë kokën e vet, madje absurdi të shkojë deri aty sa këta lloj të bërtasin për drejtësi, kur janë vetë ata që kanë hesapet më të mëdha me drejtësinë dhe Shqipërinë.
j.l./ dita
Vazhdoni edhe nja 30- e ca vite të tjerë me filmat me “ sigurim””komunizëm”,”persekutim “ etj,etj..
Gjynahqarët hanë bar,horrat mbushin xhepat,Shqipëria boshatiset.
Po mire more Balla, si heret u kujtuat? Eshte e pafalshme per ju qe ish presidenti ti kaloj te gjitha funksionet me te rendesishme ne vend dhe ju tani reflektoni.
Nuk u beson njeri qe se keni ditur kete fakt. Besoj se ju ka interesuar. Kuptohet per te vetmin fakt, se hajduti hajdutin nuk e kap se ja dine te palarat.
Keni gjithe keto vite ne pushtet dhe akoma bertisni per luften ndaj korrupsionit, kur vete ju i keni perlyer duart me pasurine e popullit. E dini qe jeni bere te pabesueshem.
Mos valle mendoni se ju besojme akoma? Eshte e natyreshme, qe jo, kurren e kurres.
Muajin shtator e keni te rendesishem, si ju politikanet ashtu dhe drejtuesit e organeve te drejtesise.
Na ngopet me pallavrat e juaja bajate.
Ju e dini shume mire qe drejtesia nuk arreston asnje politikan si Meten dhe Saliun se jeni ju qe ju ferkoni shpatullat, kur ndodhi ngjarja ne Gerdec.
Nuk ju dhimset gjaku i 26 viktimave, se ndryshe ajo ngjarje duhet te zbardhur, apo 21 Janari e shume e shume te tjera.
Ju keni bere pakt me krimin.
Prandaj ti Balla, mos bej deklarata pa pike vlere se shume e keni poshteruar veten.
Interesimi juaj per te luftuar korrupsionin, nuk ka ekzistuar per faktin se ju ne emerimet qe beni nuk e keni ne plan te pare ndershmerine.
Populli tashme ju njeh.
Ka humbur besimin tek ju.