Një operacion anti-drogë është zhvilluar mes Guardia di Finanza dhe Policisë së Vlorës. Mësohet se janë sekuestruar 600 kg kanabis dhe janë arrestuar 3 persona.
Operacioni është zhvilluar një ditë më parë në vendin e quajtur Gjiri i Arushës. Tre skafistët e kanë shkëmbyer sasinë e kanabisit në det.
Ata kanë lëvizur me një skaf dhe e kanë ngarkuar kanabisin në një velierë e cila po i priste në det.
Në momentin e shkëmbimit ka ndërhyrë Guardia di Finanza dhe Policia e Vlorës, të cilët kanë bërë të mundur arrestimin e tre skafistëve.