Një sasi e vogël lëndë narkotike është kapur këtë të enjte në burgun e Drenovës në Korçë.
Sipas informacioneve, gjatë kontrolleve, një të dënuari i janë gjetur 6 doza të dyshuara kanabis.
Dozat i janë gjetur të dënuarit Kristaq Izeti brenda qelisë ku vuan dënimin për veprën penale “vjedhje”.
Gardianët kanë arritur të gjejnë këtë sasi në gojën e të dënuarit, gjatë përpjekjes së tij për ta gëlltitur.
Ndërkohë, kanë filluar hetimet nga SHKB e burgjeve për të zbardhur plotësisht ngjarjen dhe se si kjo sasi është futur brenda këtij institucioni të sigurisë së lartë.
o.j/dita
