Policia e Krujës ka asgjësuar 887 rrënjë kanabisi. Finalizohet faza e 20-të e megaoperacionit policor antikanabis të koduar “Territor i pastër”, nga Komisariati i Policisë Krujë. Më parë si rezultat i fazave të mëparshme të këtij operacioni janë asgjësuar 9810 bimë narkotike cannabis sativa dhe 208 fara të dyshuara kanabis, të mbjella në kubikë.
Gjatë kontrolleve në kuadër të fazës së 20-të të megaopacionit, në fshatin Cudhi Kamp, Krujë, nga shërbimet e Komisariatit të Policisë Krujë, u gjetën dhe u asgjësuan 887 bimë narkotike kanabis. Strukturat hetimore në bashkëpunim me Prokurorinë, vijojnë punën për identifikimin dhe kapjen e autorëve. Operacioni i kontrollit të territorit vijon.
Kurse nnë Lezhë vijojnë kontrollet intensive edhe me dronë në fshatrat e thella malore në kuadër të operacionit policor antikanabis të koduar “Imazhi”. Si rezultat janë gjetur të kultivuara në zona të pyllëzuara, në 4 fshatra në Lezhë, 1213 bimë narkotike cannabis sativa, konkretisht:
-Në fshatin Mërqi, njësia administrative Kallmet, u gjetën të kultivuara 940 bimë të dyshuara narkotike cannabis sativa;
-Në fshatin Gjobardhaj, njësia administrative Ungrej, u gjetën të kultivuara 130 bimë të dyshuara narkotike cannabis sativa;
-Në fshatin Zimaj, njësia administrative Ungrej, u gjetën të kultivuara 110 bimë të dyshuara narkotike cannabis sativa;
-Në malin e Jushit, fshati Torovicë, njësia administrative Balldre, u gjetën të kultivuara 33 bimë të dyshuara narkotike cannabis sativa.
Bimët narkotike, pas kryerjes së veprimeve procedurale, u asgjësuan nëpërmjet djegies.
Kjo është faza e 19-të e këtij megaoperacioni dhe policia e Lezhës, në bashkëpunim me Prokurorinë e Lezhës vijon veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale.
