NATO-ja ka premtuar të ndihmojë Belgjikën e përballur me shkelje të hapësirës së saj ajrore nga dronë që shkaktuan pështjellim në aeroportin e Brukselit, pasi kishin kaluar mbi disa baza ushtarake.
Sekretari i Përgjithshëm i aleancës i diskutoi incidentet me ministrin belg të mbrojtjes, Theo Francken, dhe premtoi ndihmën e NATO-s. Takimi erdhi pasi tre aeroportet e Belgjikës në Bruksel, Liezh dhe Charleroi, u mbyllën për rreth dy orë në mbrëmjen e 4 nëntorit, pasi mjete ajrore pa pilot u vunë re mbi hapësirën e tyre ajrore.
“Sekretari i përgjithshëm i NATO-s foli me Ministrin belg të Mbrojtjes i cili dha një përditësim mbi pamjet e fundit të dronëve në Belgjikë. Aleatët po ofrojnë mbështetje të mirëpritur për t’iu përgjigjur sfidës”, thuhet në deklaratën e lëshuar prej aleancës.
Sipas Francken, dronë të paidentifikuar u panë mbi bazën ajrore Florennes, ku janë të stacionuar avionët luftarakë F-35 të SHBA-së të dorëzuar së fundmi, dhe Kleine Brogel, e cila ruan armë bërthamore taktike amerikane.
Sot ndërkohë, kanë dalë raportime të reja për dronë mbi baza ushtarake. Këshilli i Sigurisë kombëtare i Belgjikës do të mbajë një takim urgjent, pasi pamjet e dronëve në aeroporte shkaktuan kaos për udhëtarët dhe ngjallën shqetësime për sigurinë.
j.l./ dita
Sa km eshte distance nga kufirin rus Ne Bruksel? A ka kapacitete teknike nje drin TE pershkoje nje distance te tille?Nese nuk I ka keto kapacitete, nga u ngriten dronet? Nga bazat sekrete te Rusise ne territori e BE? Nga Ukraine perendimor.? Sic duket edhe ne situate te ndezur gatishmerie zbulimit ajror I NATO-s nuk ka qene zgjuar. Edhe sikur te jete e vertete, cfare vlere ka nje aksion I tille per Rusine?
Te thuash qe ka ndodhur ne vendet Balltike ose Skandinave por nji aeroport si ne jug te Belgjikes eshte qesharake ma se pari dote thoja se kete e ben Ukraina per ta nxitur Brukselin ose Naton ,si mundet nji Dron te fluturoj nga Rusia pa e zbuluar nga keta vende ,por ka mundesi qe kete e ben dikush me qellim por eshte nji mik i njohur i Brukselit dhe nuk duan ta flasin te verteten turp per keta vende te zhvilluara qe nuk munden te kapin nji Drone.