VIDEO / Droni rus godet Rumaninë, Bukureshti: Përshkallëzim i rëndë, NATO: Do të forcojmë mbrojtjen

Rumania, vend anëtar i NATO-s dhe Bashkimit Europian, ka njoftuar sot se një dron plagosi dy persona në një qytet juglindor të vendit gjatë një sulmi rus ndaj Ukrainës. Ky është rasti i parë që nga nisja e luftës kur një dron godet një zonë të populluar në territorin rumun dhe shkakton të plagosur, duke rritur shqetësimet për përhapjen e konfliktit përtej kufijve të Ukrainës. Sipas autoriteteve rumune, droni goditi çatinë e një pallati 10-katësh në qytetin Galati, duke shkaktuar një shpërthim.

Fire and rescue services rush to the site of a Russian drone attack on a residential building in Galați, Romania. pic.twitter.com/jaQUag4Syq

— OSINTdefender (@sentdefender) May 29, 2026

“Natën e 28-29 majit, Federata Ruse rifilloi sulmet e saj me dronë kundër objektivave civile dhe infrastrukturës në Ukrainë, pranë kufirit lumor me Rumaninë. Një nga këto dronë depërtoi në hapësirën ajrore rumune, u gjurmua nga radari deri në pjesën jugore të qytetit të Galatit, më pas u rrëzua në çatinë e një pallati apartamentesh, duke shkaktuar zjarr pas përplasjes”, tha Ministria në një deklaratë.

Sipas njoftimit, kur u zbuluan dronë pranë hapësirës ajrore rumune, dy avionë luftarakë F-16 u ngritën me urgjencë nga baza ajrore në Feteşti dhe u angazhuan kundër objektivave. Shërbimet rumune të emergjencës raportuan se i gjithë ngarkesa e dronit rus u shpërtheu dhe dy banorë të apartamentit u plagosën lehtë, por arritën të dilnin vetë nga apartamenti dhe u trajtuan për gërvishtje në vend. Ndërsa në Ukrainë, një alarm kombëtar u shpall gjatë natës, në pritje të sulmeve të reja ajrore ruse.

Wreckage found at the site of a drone strike tonight on an apartment building in Galați, Eastern Romania, which injured several civilians, appears to confirm that the building was indeed struck with a Russian Geran-2/Shahed-136. pic.twitter.com/nL7dgJUWzw

— OSINTdefender (@sentdefender) May 29, 2026

Në një deklaratë për X, një zëdhënës i NATO-s dënoi pakujdesinë e Rusisë, duke shtuar se aleanca ushtarake do të vazhdojë të forcojë mbrojtjen kundër të gjitha kërcënimeve, përfshirë dronët.

“Ne dënojmë papërgjegjshmërinë e Rusisë dhe NATO do të vazhdojë të forcojë mbrojtjen e saj kundër të gjitha kërcënimeve, përfshirë dronët”, shkroi Aleanca në X.

j.l./ dita