Studentët kanë dorëzuar ditën e sotme në Kryeministri peticionin e firmosur prej tyre, ku kërkojnë rimbursim nga qeveria me 100 euro në muaj. Ata kanë paralajmëruar se do të bojkotojnë mësimin kur të nisë vitit akademik, nëse nuk plotësohen kërkesat e tyre.
Në një prononcim për mediat, një prej studentëve që do të dorëzojë dhe peticionin në Kryeministri, pohoi se tashmë Tirana, që është shpallur kryeqyteti europian i rinisë, po boshatiset. Ai tha se studentët duan ndihmë financiare nga qeveria.
“Kemi bërë një tentativë për t’i tërhequr vëmendje zotit kryeministër. Shpesh herë, siç e thatë dhe ju, kryeministri nuk i merr parasysh kërkesat. Organizon borde fiktive, që mund të vihen në dyshim nëse janë të sakta. zërin e studentëve e kemi parë gjithmonë se sa sukses kanë. Këtë vit bëhet dhe më e vështirë, pasi janë rritur çmimet e shportës. Tirana, kryeqyteti evropian i rinisë po i dënon të rinjtë, po i largon duke mos i siguruar asgjë. Kjo nismë e jona është për t’i tërhequr vëmendje kryeministrit, seku ndodhemi ne. është nismë ligjore, jo radikale. Mund të kemi dhe organizime të tjera. Do bëjmë dakord me të tjerët, por në rrugë ligjore do dorëzojmë peticionin e mbi 6 mijë studentëve. Ka dy javë që është nisur peticioni. Është e pamundur që të nisë viti akademik këtë vit. Xhepat e studentëve janë bosh. Duke ditur falangat e Kryeministrisë dhe zjarrshuesit e protestave që i ka gjithmonë të tij në dispozicion, do ketë tentativa për protesta. Fillimisht është pak largpamëse që mund të ketë një dhjetor të tretë, por mos u ngatërroni kurrë me studentët në dhjetor”, tha studenti.
Sipas studentëve, rimbursimi duhet të kryhet për shkak se kostot e jetesës janë rritur. Ndër të tjera, ata thonë se e kanë të pamundur t’i përballojnë kostot, aq më tepër ku qiratë e apartamenteve kanë shkuar në çmimin minimal prej 300 euro.
Po ashtu, përveç studentëve, janë dhe pedagogët ata që kanë paralajmëruar mos nisje të procesit mësimor më 17 tetor, nëse qeveria nuk do të marrë masa për të plotësuar kërkesat e tyre, ku njëra prej tyre është rritja e pagave.
j.l./ dita
Une di qe dija eshte nje “produkt” qe blihet me leke ! Sot jetojme ne nje sistem kapitalist dhe per kete arsye edhe pse mund te kesh deshire per te vazhduar shkollen e larte, jo te gjithe mund te realizojne ate. Nje praktike e njohur sot ne perendim eshte, qe ai qe deshiron te vazhdoje shkollen e larte, por nuk ka mundesi financiare, mund te marri kredi nga shteti dhe mbas perfundinmit te shkolles, me te filluar pune fillon shlyerjen e saj. E duam sistemin kapitalist, por trajtimin e shkolles e duam si ne socializem !?
Le te shkojne te punojne ne se duan para,ashtu si bejne shoket e tyre ne Amerike,marin edhe kredi nga bankat qe te arsimohen ne profesione te ndryshme. 100 euro ne muaj eshte pensioni mujor i nenes tende more vogelush qe ka punuar 30 vjet ne fabriken e duhanit.