I penduari i drejtësisë, Nuredin Dumani është shoqëruar në Gjykatën e Posaçme për të dëshmuar për procesin ndaj Altin Ndocit, Klevis Allës, Besian Xhixhës dhe Enver Divës.
Këta persona akuzohen për vrasjen e Viktor dhe Bermir Haxhia, si edhe Dorian Shkozës e Anxhelo Avdisë.
Për këto ngjarje akuzohet dhe Talo Çela, por çështja për të është ndarë, duke qenë se është ende në kërkim nga Policia e Shtetit. Pjesë e procesit është dhe Klevis Alla, gjithashtu i penduar i drejtësisë, por edhe bashkëpunëtori i ngushtë i Dumanit, Henrik Hoxhaj.
Seanca për ta po zhvillohet me dyer të mbyllura, e pa praninë e kamerave.
Kujtojmë që më parë, i penduari tjetër i drejtësisë, Klevis Alla dëshmoi në lidhje me vrasjes e vëllezërve Haxhia, ku u shpreh se vrasjen e kreu Dumani me një person, ndërsa ai ka qenë vetëm shofer.
j.l./ dita
