Një sasi e madhe parash të padeklaruara janë zbuluar në një autobus që vinte nga Italia në portin e Durrësit ditën e sotme.
Në autobusin që erdhi nga Italia me anë të një trageti është gjetur shifra prej 500 mijë eurosh.
Autobusi mbërriti nga qyteti i Barit dhe gjatë kontrollit të policisë kufitare janë gjetur paratë e fshehura në pako të ndryshme brenda strukturës metalike të autobusit.
Sasia e parave mendohet të jetë rreth 500 mijë euro, ndërsa do të numërohen për një saktësim nga ana e policisë.
Policia ka ndaluar drejtuesin e mjetit, i cili ishte njëkohësisht edhe pronari i autobusit, Elidon Çela, i cili po merret në pyetje.
o.j/dita
