Mbrëmjen e sotme, raportohet për të shtëna me armë zjarri në Durrës. Nga informacionet e para mësohet se të shtënat kanë ndodhur në Sukth Katund.
Policia njofton se një 30-vjeçar me inicialet R.T., është shpallur në kërkim pasi ka qëlluar me kallashnikov. Ngjarja ndodhi këtë mbrëmje, rreth orës 19:20, në Katund Sukth. Sipas njoftimit të policisë 30-vjeçari dyshohet se ka kryer qitje të pavullnetshme, në tokë, me armë zjarri kallashnikov, dhe më pas është larguar menjëherë nga vendngjarja. Ai është shpallur në kërkim nga autoritetet.
Njoftimi i policisë:
Rreth orës 19:20, në Katund Sukth, shtetasi R. T. dyshohet se ka kryer qitje të pavullnetshme, në tokë, me armë zjarri kallashnikov, dhe më pas është larguar menjëherë. Shërbimet e Policisë, me marrjen e njoftimit, janë vënë në ndjekje të shtetasit R. T, 30 vjeç. Vijon kontrolli i zonës dhe janë ngritur pika kontrolli, me qëllim kapjen e tij. Grupi hetimor ndodhet në vendngjarje dhe po vijon punën për sqarimin e rrethanave të ngjarjes.
m.b./dita
