Policia e Durrësit arrestoi një bankiere 37-vjeçare, e cila ishte shpallur në kërkim për vjedhje në institucionin financiar ku punonte. E dyshuara akuzohet se u ka vjedhur fshehurazi dhe pa dijeninë e tyre, shuma të ndryshme parash klientëve të bankës. Bëhet fjalë për Berinda Bulkun, e cila vidhte nga llogaritë e klientëve të saj në bankën ku punonte.
Strukturat hetimore konfirmuan se pas ankesave dhe denoncimeve të vetë bankës, ndaluan shtetasen e shpallur në kërkim B. B., 37 vjeçe, banuese në Durrës, të cilës Gjykata e Rrethit i ka caktuar masën e sigurisë “arrest në burg”, për veprën penale “vjedhja duke shpërdoruar detyrën”.
