Një sulm ndaj bluzave të bardha ka ndodhur në spitalin e Kukësit sot, ku dy vëllezër kanë dhunuar fizikisht 2 mjekë në krye të detyrës. Për pasojë, në pranga ka rënë 31-vjeçari i identifikuar si I.V., dhe është shpallur në kërkim vëllai i tij, me inicialet H.V., 41 vjeç.
Policia bëri me dije nisjen e hetimeve dhe se dy mjekët janë dhunuar brenda spitalit të Kukësit, për shkak të detyrës. Nga verifikimet e para dyshohet se autorët kanë pasur pretendime për sjelljen dhe shërbimin e dy bluzave të bardha ndaj një të afërmi të tyre, por hetimet e plota do zbardhin dinamikën dhe shkaqet.
