Dy punonjëse të Zyrës së Ndihmës Ekonomike në Bashkinë Këlcyrë, janë shoqëruar nga policia vendore, pas një denoncimi të bërë nga qytetari A.B., i cili pretendon se punonjëset i kanë ofruar vend pune për djalin e tij, në këmbim të votave që mund të mblidhte në fisin e tij të madh.
Pas shoqërimit në komisariat dhe kryerjes së veprimeve proceduriale, ka nisur hetimi për 53-vjeçaren D.A dhe R.F 40-vjeçe. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
