Prokurori i SPAK Adnan Xholi, ka dhënë detaje në lidhje me operacionin e finalizuar mbrëmjen e të enjtes, 24 nëntor në Fier, ku u zbulua laboratori i përpunimit të kokainës që vinte nga Kolumbia, me porositës shtetas shqiptar.
“SPAK ka regjistruar që në fund të korrikut procedimin për trafik lënde narkotike, në kuadër të grupit të strukturuar kriminal.
Me strukturat e policisë BKH dhe disa agjenci të huaja ndërkombëtare dhe me autoritetet malazeze. Sipas informacioneve paraprake kishte të dhëna që në maj 2022 në portin e Kolumbisë ishte ngarkuar një sasi me pleh organik artificial me destinacion Pireun e Greqisë, tranzit portin e Malit të Zi me porositës shtetas shqiptarë, është aplikuar metoda me dorëzim të kontrolluar.
Nga verifimimi i autoriteteve shqitpare porositësi ishte shtetas shqiptar që në fillim të 2022 kishte hap aktrivitet në Shqipër ndër të cilat dhe importi i plehrave kimik e mallra të tjera.
Pasi sasia me pleh është dërguar në territorin shqiptar në shtator 2022, është bërë zhdoganimi transporti zhvendosja e ngarkesës në disa qytete, deri dje që është bërë kontrolli e sekuestrimi në Farkë të madhe në Fier.
Për interesa të këtij procedimi, u pa e udhës të mos ndaleshin vetëm tek porositësi por dhe bashkëpunëtorët organizatorët e financuesit e interesuar për këtë lëndë narkotike.
Nga Gjykata janë pranuar kërkesat për arrestimin e 11 personave dhe kontrollin e 14 ambienteve të ndryshme.
Nga policia 10 masa sigurimi deri tani e janë ekzekutuar të gjitha masat për kontrollet e banesave.
Jane sekuestruar 15910 euro, 3 automatikë, tre pistoleta, fishekë, 18 telefona, automjete, laptopë, 24 ton pleh artificial brenda të cilës një sasi lënde kokainë prej 430 kg e cila referuar shitjes me pakicë kap vleren 40 milionë euro”, u shpreh Prokurori në konferencën për mediat.
j.l./ dita
Shtepia ku u sekuestrua droga ka qene ne minitorim me drone nga ana e policise shqiptare gjate gjithe 48 oreve te fundit.