Ministrja e Brendshme gjermane Nancy Faeser kërkon të shkarkojë Arne Schoenbohm, kreun e Zyrës Federale për Sigurinë e Informacionit (BSI), njoftuan mediat lokale sot, për shkak të marrdhënies së tij të paqartë me inteligjencën ruse.
“Po shqyrtohen mundësitë si mund të arrihet një ndërrim i shpejtë i kryetarit. Konferenca e përbashkët për shtyp e planifikuar nga Faeser dhe Schoenbohm të enjten do të anulohet”, citoi gazeta Bild të kenë thënë burime të ministrisë.
Më herët, rrjeti gjerman i transmetimit publik ZDF raportoi për lidhje të kreut të BSI-së me një shoqatë të panjohur të quajtur “Cyber-Sicherheitsrat Deutschland e. V”. Shoqata thuhet se ka kontakte me shërbimet sekrete ruse. Schoenbohm ishte themelues dhe kryetar i shoqatës deri në vitin 2016.
Qarqet e sigurisë me bazë në Berlin janë duke e marrë shumë seriozisht këtë rast. Autoritetet e sigurisë tani do të “përmbysnin çdo gur” në lidhje me aktivitetet e klubit, raportoi e përditshmja Bild.
Ata gjithashtu do të shikojnë se cilat kompani kanë blerë softuer nga ofruesi rus Protelion (ish-Infotecs). Protelion ka përdorur anëtarësimin e saj në shoqatën “Këshilli i Sigurisë Kibernetike-Gjermani” për shpërndarjen e softuerit potencialisht të pasigurt.
a.m/dita
Dridheni dhe perdridheni nga do qe te shkoni brenda e keni.
Ish GKB e BRSS ka punuar me dhjetra vite dhe e ka bere me se miri detyren e saj, i ka te gjithe ne thes.
Sa shpejt qe e harruat, Sekretarja personale e ish Kancelarit gjerman Villy Brand ishte spiune ruse, pra me shpejt lajmi shkonte ne Kremlin para te informohej Kancelari.
Po pse ky do te zevendesoj Arnen kush te garanton qe nuk do te jete spiun rus?