Mbetet mister zhdukja e 49 arkave me banane brenda të cilave dyshohet të ketë pasur lëndë narkotike kokainë. Kontejneri i ardhur nga Ekuadori rezultoi i pa plumbosur dhe mungonte një pjesë e ngarkesës.
Transkriptimi i pamjeve filmike nga kamerat e sigurisë nuk kanë dëshmuar asnjë të dhënë se ndërhyrja të jetë bërë në Terminalin e Kontejnerëve të Portit të Durrësit.
Punonjësit e sigurisë dhe konkretisht ata të monitorimit të kamerave në sallën operative do të lirohen nga burgu.
Mësohet se për Gentian Halili, Rajd Bleta, Gjergji Doraci, Shefqet Elezi, Profit Tila dhe Skënder Plaku sot prokurori Afrim Shehu do të kërkojë zëvendësimin e masës së sigurisë nga arrest në burg në detyrim paraqitje.
Gjithashtu edhe për dy punonjësit e kompanisë “Ziko shpk” Altin Muhametaj, Mazmi Allgjata do kërkojë zëvendësim të masës së sigurisë nga arrest në burg në detyrim paraqitje.
j.l./ dita
