Një 22-vjeçare është bërë shkaktare e një aksidenti dje në Tiranë, teksa ka qenë duke iu ikur forcave të policisë. Forcat blu të kryeqytetit bëjnë me dije se kanë konstatuar S.D duke drejtuar automjetin pa leje drejtimi dhe në gjendje të dehur.
22-vjeçarja nuk i është bindur urdhrave të shërbimeve të policisë për të ndaluar, por ka vazhduar lëvizjen. Kështu në përpjekjen për t’iu ikur efektivëve në rrugën “Konferenca e Pezës”, ka humbur kontrollin mbi drejtimin e automjetit dhe automjeti ka dalë nga rruga.
Si pasojë e aksidentit, 22-vjeçarja ka mbetur e plagosur, bashkë me pasagjerin që ndodhej me të, E. Q., 25 vjeç, të cilët ndodhen jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjjthshëm Tiranë, për veprime të mëtejshme procedurale.
