Një e vrarë dhe 5 të plagosur kanë mbetur si pasojë e të shtënave me armë zjarri në Tiranë. Të plagosurit janë dërguar në Spitalin e Traumës.
Ngjarja ka ndodhur në rrugën “Josif Shkëmbi”, pranë zonës së “Don Boskos”, ku banakierja e një lokali ka mbetur e vdekur. Si pasojë e të shtënave me armë zjarri tip kallashnikov janë plagosur dhe tre persona të tjerë identiteti i të cilëve nuk bëhet me dije.
Siç duket edhe nga fotoja e mëposhtme, e gjithë veranda prej xhami është hedhur në tokë për shkak të breshërisë së plumbave. Por po ashtu, në njërën prej fotove duket ende viktima në vendin e ngjarjes.
Grupi hetimor ke sekuestruar të gjithë kamerat e sigurisë dhe në momentin që ka ndodhur ngjarja ka pasur edhe qytetarë që kanë qenë duke lëvizur në zonë. Ndërkohë ende nuk dihen shkaqet e plota të ngjarjes.
m.b./dita
