Një 35-vjeçar është arrestuar nga Policia në Belsh të Elbasanit, pasi akuzohet se ka ushtruar dhunë ndaj bashkëshortes, e cila më pas për të shpëtuar dhe nga frika, është hedhur nga dritarja e banesës. E dhunuara është dërguar më pas në Spitalin Psikiatrik, pasi dyshohet se vuan edhe nga probleme të shëndetit mendor.
“Specialistët për Hetimin e Krimeve të Komisariatit të Policisë Cërrik arrestuan në flagrancë shtetasin G. Q., 35 vjeç, banues në Belsh, pasi ka ushtruar dhunë ndaj bashkëshortes së tij, e cila më pas është hedhur nga dritarja e banesës. Kjo shtetase është dërguar në spitalin psikiatrik, pasi dyshohet se vuan nga probleme të shëndetit mendor”, bëhet me dije në njoftimin zyrtar, kurse dosja i kaloi policisë për veprime të tjera.
