Një ngjarje e rëndë është shënuar ditën e sotme në qytetin e Korçës, ku ka mbetur e lënduar rëndë një 49-vjeçare.
Policia thotë se gruaja i ka vënë flakën vetes dhe më pas është hedhur nga ballkoni. Mbeten të paqarta motivet që e kanë shtyrë atë drejt aktit ekstrem.
49-vjeçarja ndodhet në spital nën kujdesin e mjekëve.
“Sot më datë 04.07.2024 rreth orës 14:30, në lagjen nr.10, Korçë, shtetasja S.K., rreth 49 vjeçe, dyshohet se është lyer me lëndë djegëse, i ka vënë flakën vetes dhe më pas është hedhur nga ballkoni. Si pasojë kjo shtetase ka marrë djegie dhe dëmtime trupore dhe ndodhet për mjekim, në spital.
Grupi hetimor po punon për sqarimin e plotë të rrethanave të ngjarjes”, njofton policia.
i.b/dita
