Të tjera detaje janë zbardhur nga aksidenti i rëndë i ndodhur mbrëmjen e djeshme në aksin Lezhë-Gjader, në zonën e quajtur Gocaj.
Burime zyrtare konfirmojnë se jetën kanë humbur Dr. Anton Keçi, 52 vjeç, Shef i Shëndetësisë në IEVP Lezhë, si dhe vajza e tij 20-vjeçare, Bora Keçi studente në vitin e dytë në Fakultetin e Mjekësisë.
Sipas informacionit paraprak të policisë, dyshohet se automjeti ka dalë nga rruga dhe ka përfunduar në kanal, çka ka sjellë përmbysjen e tij dhe pasojat fatale.
Kanë qenë familjarët ata që, të shqetësuar për mungesën e kontaktit me familjarët, kanë nisur kërkimet për të afërmit e tyre.
Grupi hetimor vijon punën për të përcaktuar shkaqet e aksidentit, ndërsa nuk përjashtohet humbja e kontrollit mbi mjetin si një nga pistat kryesore.
Ndërkohë, Drejtoria e Përgjithshme e Burgjeve ka reaguar përmes një njoftimi, duke shprehur dhimbjen për humbjen e një prej punonjësve të saj.
Në reagim thuhet se Dr. Keçi kishte shërbyer për rreth 6 vite në sistemin penitenciar me përkushtim dhe profesionalizëm, duke lënë pas vlerësim të lartë nga kolegët dhe drejtuesit.
Njoftimi i plotë i Drejtorisë së Përgjithshme të Burgjeve
“Me dhimbje të thellë njoftojmë se më datë 25.04.2026, në orët e mbrëmjes, në aksin rrugor Lezhë–Gjader, në vendin e quajtur Gocaj, si pasojë e një aksidenti tragjik ku automjeti ka dalë nga rruga, kanë humbur jetën Dr. Anton Keçi, 52 vjeç, Shef i Shëndetësisë në IEVP Lezhë, si dhe vajza e tij 20-vjeçare, studente në vitin e dytë në Fakultetin e Mjekësisë.
Dr. Keçi shërbeu me përkushtim për rreth 6 vite në sistemin penitenciar, duke lënë pas vlerësim profesional dhe njerëzor tek kolegët dhe të gjithë ata që e njohën.
Në këto momente të rënda, shprehim ngushëllimet më të sinqerta për familjen, kolegët dhe të afërmit. Jemi pranë bashkëshortes dhe djalit të tij, duke ndarë dhimbjen e madhe për këtë humbje të parakohshme dhe të pazëvendësueshme.
U prehshin në paqe”.
j.l./ dita
Ajo esht rruge pa standarte…sepse duan te vjedhin kryeministri dhe ministrat…
Nuk ta kanë fajin rrugët, por ata që japin PATENTAT, se në kohën e Xhaxhit, këto rrugë ishin dhe kursi i shoferit ishte 1,5 vite o mëndje !
Po mer po dhe ne kohe te xhaxhit rruget ishin plor e perplot me makina…pervec gomereve dhe karrocave me kale sigurisht…
Deshmoret e pare te marrezise rradhes se Rames – ndertimi i kampit-burg ne Gjader per afrikanet qe Meloni nuk i do ne Itali.
Dhimbje e madhe.Babe e bije mjeke!Ngushellimet me te sinqerta familjes Keci!?
Penitenci, o penitenci i Dites.
RRypat e sigurimit ne makine i kishin vendosur???????
Per aksidentin shperndan mesazh plot dhimbshuri drejtoria e burgjeve!!!
Epo nuk na vajti mendja. Drejtoria e Burgjeve., Kjo eshte fytyra e Shtetit te Ramutit