Shefi i Krimeve të Vlorës ka humbur jetën në një aksident ndërsa udhëtonte nga Fieri drejt qytetit ku shërben.
Aksidenti i rëndë ndodhi në autostradë, në afërsi të Novoselës, ku makina tip ‘Toyota’ e Ermal Lulajt u përplas me një fadromë që ndodhej në lëvizje.
Dyshohet se automjeti i rëndë ka qenë pa sinjalistikë në pjesën e pasme. I plagosur ka mbetur edhe një person tjetër, identiteti i të cilit nuk bëhet i ditur dhe ndodhet nën kujdesin e mjekëve.
Efektivi, rreth të 40-ave, më herët ka shërbyer si shef i Antidrogës. Ai është baba i dy fëmijëve.

n.s. / dita
