Kozara Kati, një emër i njohur i shoqërisë civile në Shqipëri është ndarë nga jeta të hënën në orët e para të mëngjesit.
Lajmi i trishtë u konfirmua për DITA nga familja dhe miqtë.
E ndjera vuante nga diabeti dhe jeta i është ndërprerë pas një ndalimi të zemrës natën mes 9 dhe 10 tetorit, – sipas detajeve të dhëna për DITA, nga familjarët.
Kozara do festonte këtë dhjetor 76-vjetorin e lindjes.
Ajo ishte një nga drejtueset e para të shoqërisë civile në Shqipëri. U angazhua për gati dy dekada me Qendrën Shqiptare për të Drejtat e Njeriut, ndërsa vitet e fundit ishte anëtare dhe më pas kryetare e Bordit Mbikqyrës të Agjencisë për Mbështetjen e Shoqërisë Civile.
“Znj. Kozara Kati ka dhënë një kontribut të pazevëndësueshëm për zhvillimin e Shoqërisë Civile në vend, sidomos në fushën e të Drejtave të Njeriut, të Drejtat të Fëmijëve, mbështetjen për barazinë gjinore dhe mosdiskriminim. Kujtimi i saj do të mbetet i paharrueshëm për natyrën e saj të sinqertë, të drejtpërdrejtë dhe dashamirësinë në marrdhëniet njerëzore” – thuhet në një deklaratë të kësaj agjencie.
Bashkë me nënën e saj Fedra, motrën Pranvera, vëllain Adrian dhe djalin Denis, Kozara Kati kaloi një pjesë të jetës në internim gjatë viteve të komunizmit, pas dënimit të babait të saj, ish-ministrit Vasil Kati.
Pas ndërrimit të sistemit në vitet ’90 ajo punoi si përkthyese, mësuese dhe më pas u angazhua me lëvizjet e shoqërisë civile, në disa prej të cilave ishte ideuese dhe organizatore.
Lamtumira dhe ceremonitë mortore do të zhvillohen të martën. Varrimi bëhet në orën 11:00 në Sharrë, ndërsa familja priti ngushëllime tek FU Univers, rruga Bardhyl në Tiranë.
i.b. / dita
Njeri i mire.Por pa fat ne jete!
Ti roje,djali,motra vllai.
Zonje fisnike dhe e nderuar; kam patur fatin ta kontaktoj, degjoj dhe te bashkepunoj me te.RIP! Uroj dhe deshiroj cdo te mire per djalin dhe familjen e saj.
Zonje grua
Te njihje Kozara Katin ishte fat dhe privilegj, oret qe mund te konsumoje me Kozin te dukeshin minuta për vete biseden e saj plot vlera ,Kozi ishte dhe Do mbetet mes nesh nje intelektuale dhe Mikeshe e pazevendesuar. Pusho në paqe Koz e dashur 🥲🙏
Ngushellime te sinqerta djalit, motres dhe vellait per humbjen e intelektuales dhe njeriut te mrekullueshem Kozara Kati!
Per fat te mire e njoh ambientin ku eshte rititur zonja ,blloku.Per fat te mire njoh edhe ambientet e internimit te ketyre familjeve.I njoh keto ambiente sepse keshtu me ka hedhur jeta.Ne fshat kjo ka jetuar jeten e fshatarit qe perbente 60% te popullsise.Internimi permbante qe duheshe te paraqiteshin ne keshile mengjez e darke.Pjesa tjeter nuk ishte diskriminin.Ne shkolle femijet e tyre ishin barabar me nxenesit e fshatit ,te mos themi qe ishin dora e djathte e mesuesit per c’do veprimtari.Kujdesi mjekesor ishte i njejte nga mjeku i fshatit dhe ushqimi njelloj me fshataret.Atehere kjo zonje e kuptoi realitetin qe sot e quan denim.Pra 60% e popullsise se shqiperise del qe ka qene e internuar .Pra 60% e popullsise duhet te trajtohen si te perndjekur politike.Mjaft u moret me keto mbeturina te bllokut.