16-vjeçari Mariglen Gjonaj dyshohet se është goditur me sende të forta në kokë, çka i ka shkaktuar vdekjen.
Sot është zbardhur ekspertiza mjeko-ligjore e kryer tek kafka e gjetur në zonën e Fushe-Kuqes në Kurbin, në të cilën thuhet se nga ekzaminimi mjeko-ligjor ka rezultuar se tek kafka e gjetur ka patur një dëmtim.
Kjo ka sjellë dyshimet që vdekja e Gjonajt ka ardhur si pasojë e goditjes në kokë me sende të forta.
Ndërkohë, autori i dyshuar Kristjan Cenaj ka vepruar i vetëm për grabitjen dhe vrasjen e adoleshentit. Në këtë konkluzion ka dalë Prokuroria e Kurbinit deri në këtë fazë hetimesh në lidhje me këtë ngjarje, e cila u zbardh pas 7-vitesh nga zhdukja e adoleshentit nga Mamurrasi.
Ndërkohë, Kristjan Cenaj ishte mbajtur nën vëzhgim që prej muajit gusht dhe u prangos në aeroportin e Rinasit, ku po kthehej nga Italia ku jetonte prej vitesh, pasi do të shkonte në dasmën e një të afërmi.
Oficeret e policisë i komunikuan urdhër arrestin e lëshuar nga prokuroria dhe menjeherë u dërgua në dhomat e paraburgimit të Komisariatit të Policisë Kurbin në pritje për tu njohur me masën e sigurisë në gjykatë, ndërsa akuza e ngritur ndaj tij është “Vjedhje me pasojë vdekjen”, pasi ai mendohet ta ketë kryer krimin për t’i marrë një orë Rolex dhe një varëse adoleshentit, të cilat i kishte me vete ditën e ngjarjes.
Në dëshminë e tij para hetuesve 30-vjeçari ka mohuar të ketë lidhje me krimin, por organi i akuzës thotë se ka prova të mjaftueshme që e implikojnë atë në këtë krim të rëndë.
Vrasja e 16-vjeçarit Mariglen Gjonaj u zbardh vetëm pak muaj pasi ju gjetën eshtrat të groposura në një zonë me ferra dhe shkurre në zonën e Fushë-Kuqes në Kurbin dhe 7 vite nga zhdukja e tij.
j.l./ dita
Kafshet e Mamurrasit, vrasin nje njeri per nje ore.
Kontigjenti kriminal i Sali Berishes, me ata mburrej se mund te rrezoje qeverine.