Sezon i ri, zakon i vjetër për Oliver Giroud. Sulmuesi veteran francez shënoi golin e parë sezonal për kuqezinjtë në ndeshjen me Bolognan në transfertë.
Në minutën e 11-të, pas krosimit të Pulisic, Rejnders asiston për Giroud, që falë përvojës së tij e dërgon topin në rrjetë, 0-1. Në minutën e 21-të, pas një lëvizjeje të zgjuar të Giroud, Pulisic shkarkon të djathtën, me topin që përfundon në rrjetë, 0-2.
Tri blerje të merkatos së verës ishin në formacionin titullar të “Djallit” në këtë sfidë kundër Bolognas. Në portë luante Maignan, në mbrojtje nga e djathta në të majtë: Calabria, Thiaw, Tomori, Hernandez.
Në mesfushë luajtën titullarë Loftus-Cheek, Krunic, Reijnders, ndërsa në sulm Pulisic nga e djathta e Leao nga e majta në mbështetje të francezit Giroud.
