Ka kaluar vetëm një javë që kur Partizani u shpall kampion, por te klubi i kuq po ndodh një eksod në rang drejtuesish. Ashtu siç ishte përfolur, të hënën u largua zyrtarisht drejtori Elton Marini, i cili përpiloi ekipin që u shpall kampion, ndërkohë që bëri edhe shitjen më të shtrenjtë në merkato nga Superliga, me Xhuliano Skukën që la kryeqytetasit për 1.4 mln euro për të shkuar te Metz në Francë.
Aktualisht klubi dhe trajneri po diskutojnë ndarjen, por mohojnë të ketë një vendim përfundimtar. Megjithatë mes rreshtash lihet të kuptohet se largimi i Collela-s është çështje kohe.
Madje po qarkullojnë edhe emrat që pritet ta zëvendësojnë. Më i mundshmi është ai i Tomislav Stipic, i cili ka menaxher Adrian Aliajn, një bashkpuntor i ngushtë i Partizanit. Megjithatë kroati ka bërë shkëlqyeshëm së fundmi në Letoni dhe për ta marrë nga skuadra e Rigës duhet të përputhen shumë situata. Nëse jo Stipic dëshira e Partizanit është që të vijojë me trajnerë të huaj.