Psikologia shkollore, Ledja Gropa, tregon se cilat janë disa nga efektet e divorcit tek fëmijët, dhe se çfarë duhet të bëjnë prindërit për t’i ndihmuar, në mënyrë që gjendja psikologjike e fëmijëve të mos agravohet.
Divorci është një problem juridik, social dhe psikologjik që prek jo vetëm partnerët, por edhe fëmijët. Disa nga efektet e divorcit tek fëmijët: ata që shfaqin hapur ndjenja të fuqishme dëshpërimi, agresiviteti, zemërimi dhe frike. Shpesh herë ata ndjehen fajtorë dhe të pafuqishëm për ndarjen e prindërve të tyre. Në disa raste ata fajësojnë veten për ndarjen tyre.
Vlen për t’u theksuar se në ato momente që ndodh procesi i ndarjes, ndjenjat e fëmijës të injorohen plotësisht, pa tentuar që t’u shpjegohen shkaqet e këtij divorci. Këta fëmijë do të shfaqin probleme të dukshme në shkollë dhe në shoqëri, të cilat do të reflektohen në sjelle komunikimin bashkëpunim me bashkëmoshataret, si dhe do të përfshihen në vetëvlerësim dhe imazhe të ulëta mbi veten e tyre.
Çfarëdo moshe që të jetë fëmija, ai duhet të marrë një shpjegim të mundshëm, se cilët janë arsyet dhe kushtet që prindërit e tyre po ndahen. Në mënyrë që edhe panorama e tij psikologjike të jetë akoma më e qartë. Fëmijët duhen mbajtur afër, dhe t’u kushtohet sa më shumë kohë dhe dashuri, në mënyre të tillë, që të mos ndjehen vetëm dhe fajtorë.
Disa këshilla psikologjike për të ndihmuar fëmijët:
Duhet në vazhdimësi t’u jepni kurajë dhe t’i nxisni fëmijët të shprehin emocionet, bëjini të qartë se ata nuk janë fajtorë në ndarjen tuaj, dhe mundohuni t’u shpjegoni disa nga faktorët e vërtetë të këtij procesi.
Mundohu të kuptoni sjelljen e fëmijës tuaj, e cila jo pak herë mund të manifestohet me ndjenja të fora zemërimi, urrejtje, si dhe frike ndaj jush.
Informoni sa më shumë fëmijën tuaj për ndryshimet e shumta që mund të ndodhin në kohët në vazhdim.
Vazhdoni dhe përmbahuni rregullave të mëparshme, të vendosura nga ju për fëmijën tuaj, dhe mos u mundoni të tregoheni tolerantë, pasi kjo situatë do ta çorientojë edhe më shumë fëmijën tuaj.
Kaloni sa më shumë kohë efektive me fëmijën. Është tepër e rëndësishme që pas procesit të ndarjes t’i krijohet një ambient i qëndrueshëm, i sigurte, dhe i ngrohtë.
Mundohuni që fëmija juaj të mbajë një kontakt të qëndrueshëm me prindin e larguar nga shtëpia.
Nëse fëmija juaj shfaq probleme serioze, gjatë, dhe pas procesit të divorcit, do të ishte e nevojshme kontakti me një specialist të kësaj fushë, në mënyrë që gjendja e tij psikologjike të mos agravohet më shumë.
p.k\dita
