Ekspertët zgjedhorë mendojnë se ekziston një skenar që të dyja grupimet e PD të mos regjistrohen në zgjedhje. Sipas tyre, grupet brenda PD pritet të kenë vështirësi në plotësimin e dokumentacionit që vërteton se kujt i takon logo dhe vula e partisë. “Ka një ngërç ligjor sepse ti je i mandatuar për të zëvendësuar ish kryetarin e partisë Basha por një-ish kryetar partie që nuk ekziston më. Pra je i mandatuar për të zëvendësuar një person qe nuk e ka me funksionin e partisë. Por, ndërkohe ne kemi një ngërç në vijim që grupi i Berishës po pret vendimin e gjykatës. Në këtë moment shohim që të dyja grupimet nuk mundet të regjistrohen dot“- shprehet Gerta Meta, drejtuese e koalicionit të vëzhguesve vendore. Në këto kushte zgjidhja kërkohet të merret nga vetë demokratët. “Ka një rrugë të zgjidhjes së problemit që është vendimmarrja e dy grupimeve të PD për të gjetur mes vetit zgjidhjen me të mirë në interes të anëtarësisë së PD dhe te gjithë qytetarëve”– shton Kume. “Urojmë që PD në zgjedhje të regjistrohet si parti që do të përfaqësojë denjësisht opozitën dhe mos mbetemi në kuadrin që edhe zgjedhjet e 14 majit të jenë nën logon e vetëm një partie siç ishte në 2019″– shton Meta. Sherri për pronësinë e Partisë Demokratike parashikohet të kalojë të gjitha hallkat e gjyqësorit, por me afatet zgjedhore që po ngushtohen, testi i parë dhe me i shpejtë prite të jetë në Komisionin Qendror të Zgjedhjeve.
m.b./dita
