Shumica dërrmuese zgjedhin rrobat më të rehatshme të mundshme kur udhëtojnë, qoftë me makinë, tren apo avion, në mënyrë që udhëtimi të jetë sa më i përballueshëm.
Epo, një grup ekspertësh të aviacionit nga Mbretëria e Bashkuar ka paralajmëruar se cilat rroba nuk rekomandohet të vishen: as geta dhe as dollakë!
Ekspertja e aviacionit Christine Negroni thekson se këto lloj veshjesh paraqesin rrezik për pasagjerët e avionit, në rast emergjence.
Arsyeja pse ajo nuk rekomandon përdorimin e getave dhe dollakëve ka të bëjë me faktin se këto veshje janë prej fibrash të krijuara nga njeriu (artificiale), të cilat kanë më shumë gjasa të marrin flakë në situata emergjente.
“Mund t’ju duhet të shpëtoni nga një zjarr kabine, ose mund të ketë një zjarr të veçantë në tokë, pasi të dilni nga avioni. Të gjithë veshin “tutat e jogës” në aeroplan tani, por shmangni të gjitha fibrat e bëra nga njeriu, sepse ato janë më të mundshme të digjem dhe të ngjiten me ty nëse ka zjarr”, tha ajo.
Për këtë arsye, Christine Negroni tregon se është mirë që këto fibra artificiale të shmangen dhe rekomandon zëvendësimin e tyre me fibra natyrale, si pambuku.
Gjithashtu, Negroni këshillon udhëtarët që të mos i heqin këpucët gjatë fluturimit, pasi në situata emergjence mund të pësojnë djegie në lëkurë. Ajo rekomandon atlete në vend të takave të larta.
