Një shtetas i dënuar me 25 vjet burg nga drejtësia shqiptare është ekstraduar së fundmi nga Shtetet e Bashkuara të Amerikës.
Falë bashkëpunimit dhe shkëmbimit të informacionit ndërmjet Interpol Tirana dhe Interpol Washington, në koordinim me ambasadën e SHBA në Tiranë u bë e mundur kapja dhe ekstradimi i 40-vjeçarit shqiptar Lulëzim Sinaj.
Ky shtetas ishte shpallur në kërkim ndërkombëtar, pasi Gjykata e Fierit e ka dënuar me 25 vjet burg për veprat penale “Vrasja në rrethana të tjera cilësuese”, kundër dy ose më shumë personave, mbetur në tentativë, dhe “Prodhimi dhe mbajtja pa leje e armëve luftarake dhe e municionit”.
Më datë 12.03.2017, në Ballsh, shtetasi Lulëzim Sinaj ka plagosur rëndë, me armë zjarri, shtetasit E. Xh. dhe L. Xh. (prindërit e ish-bashkëshortes së tij).
Si rezultat i bashkëpunimit mes Interpol Tirana, Interpol Washington dhe DSS në ambasadën e SHBA-së në Tiranë, u bë i mundur arrestimi i këtij shtetasi në Shtetet e Bashkuara të Amerikës.
Kush është Lulëzim Sinaj?
Më 13 mars 2017, Lulzim Sinaj pas divorcit me gruan e tij, plagosi me armë zjarri prindërit e ish-bashkëshortes, Edmond dhe Ludmilla Xhaferaj.
Gruaja mori 2 plumba, ndërsa burri 3 plumba në trup.
Sinaj kishte jetuar me bashkëshorten e tij prej disa kohësh (5 vite) në Amerikë.
Por në vitin 2016 çifti ishte kthyer në Shqipëri.
Pas kthimit, mes tyre nisën edhe konfliktet e mosmarrëveshjet që çuan në divorc.
Sipas burimeve të Policisë, asokohe dhëndri kishte akuzuar prindërit e ish-bashkëshortes si shkaktarët që kishin bindur të bijën për t’i dhënë fund martesës.
Natën e plagosjes, ai dyshohet se ishte në gjendje të dehur kur trokiti në derën e ish-vjehrrit të tij.
Mes tyre pati fillimisht një debat dhe më pas Sinaj nxori armën duke qëlluar fillimisht ish-vjehrrin e më pas edhe bashkëshorten e këtij të fundit.
Plumbave i shpëtoi ish-bashkëshortja, e cila dha alarmin duke kërkuar ndihmën e fqinjëve.
Sinaj u largua menjëherë nga vendi i ngjarjes.
j.l./ dita
Nuk te len Amerika te bredhesh i lire sic bredhin kriminelet ne rruget e Tiranes