Prokuroria e Tiranës ka kërkuar burg përjetë për autorin e vrasjes së Kudret Saliajt në qershor të 2021, Mexhit Picari dhe 35 vite për Dhurata Picarin. Baba e bijë akuzohen se vranë para Gjykatës së Tiranës 41-vjeçarin Kudret Saliaj, babai i tre fëmijëve të mitur.
Sipas prokurorisë e Tiranës babë e bijë kanë bashkëpunuar për vrasjen e Kudret Saliajt pasi ky i fundit i kërkoi divorcin Dhuratës.
Pas asaj ngjarjeje të rëndë, familjen e kanë ndjekur tragjeditë. Më 3 shkurt të këtij viti, Dhurata Picari humbi të birin, Enjo Saliajn. Enjo Saliaj, i cili po udhëtonte me motor elektrik, u përplas nga një makinë me drejtues Sildi Krashin, 19-vjeç, i arrestuar tashme nga policia. Sipas policisë nga kqyrja e vendit të ngjarjes dyshohet se i riu ka prerë rrugën makinës.
Enjo Saliaj, është djali i Kudret Saliajt, i cili u vra nga nga vjerri në qershor të vitit 2021, Mexhit Picari. Vrasja e Saliajt erdhi pas shumë debatesh dhe përplasje mes çiftit, Kudret Saliaj dhe Dhurata Saliaj. Ndërkohë, pas arrestimit të Dhurata Saliajt, për vrasje në bashkëpunim, kujdestarinë e 3 fëmijëve të çiftit e ka marrë xhaxhai i tyre, vëllai i Kudret Saliajt.
o.j/dita
