Policia e Elbasanit ka ndaluar një 32-vjeçare të dënuar nga Gjykata me 4 vite e 8 muaj burg pasi një vit më parë përplasi për vdekje një person.
Policia bën me dije se 32-vjeçares i kanë mbetur për të shlyer edhe 3 vite e 3 muaj burg pasi në 2022-shin në aksin rrugor Elbasan-Cërrik, me automjetin që drejtonte, ka përplasur një motomjet drejtuesi i të cilit ka humbur jetën.
“Shërbimet e Komisariatit të Policisë Elbasan ekzekutuan urdhrin e Prokurorisë, për ndalimin e shtetases S. M., 32 vjeçe, banuese në Elbasan, sepse Gjykata e Rrethit Gjyqësor Elbasan e ka dënuar këtë shtetase me 4 vjet e 8 muaj burgim (nga të cilat i kanë mbetur edhe 3 vjet e 3 muaj), pasi në vitin 2022, në aksin rrugor Elbasan-Cërrik, me automjetin që drejtonte, ka përplasur një motomjet drejtuesi i të cilit ka humbur jetën”, thuhet në njoftim.
p.k\dita
