Që kur bleu Twitter, Elon Musk e ka kthyer rrjetin social në këndin e tij gjigant të lojërave. Është e qartë se manjati dëshiron të revolucionarizojë rrjetin social dhe duket se metodologjia e tij mbizotëruese janë idetë e çmendura, ose ‘prova e gabimi’. “Twitter Blue” ishte një nga masat e tij më të diskutueshme, me të cilën ai shfrytëzoi rastin për të prezantuar funksione të tilla, si redaktimi i mesazheve apo mundësia e shkrimit të tweet-eve më të gjata. Tani duket se Musk është në kërkim të ideve të reja për të rimodeluar Twitter.
Një nga më interesantet dhe që sipas manjatit do të mbërrijë së shpejti në platformë, janë thirrjet audio dhe video. Në një postim në Twitter ku shfrytëzon rastin për të njoftuar ardhjen e DM-ve të koduara në Twitter, Musk ka premtuar se telefonatat dhe video-telefonatat do të mbërrijnë shumë shpejt në rrjetin social. Qëllimi është krijimi i një mjeti më shumë komunikimi, ku përdoruesit mund të lidhen me audio dhe video pa pasur nevojë të ndajnë numrin e tyre të telefonit.
Po atë ditë, Elon Musk na dha një tjetër titull, këtë herë shumë më interesant. CEO duket se mendon ta kthejë Twitter-in në një aplikacion takimesh, si “Tinder”, “Bumble” dhe derivate. Këto janë ide që kanë lindur me synimin për të krijuar “aplikacionin definitiv”, diçka që përdoruesit po e kërkojnë dhe që ka arritur të tërheqë vëmendjen e Musk. Në të njëjtën bisedë u përmend edhe mundësia e përdorimit të aplikacionit për të gjetur një punë, një qasje shumë e ngjashme me atë të Linkedin ose Infojobs.
