Kancelari gjerman Olaf Scholz ka folur për emigrimin masiv të mjekëve shqiptarë drejt Gjermanisë, duke thënë se ndër të tjera ky është një koncept mjaft i mirë i lëvizjes së lirë.
Scholz pranoi se ka një rrjedhje të trurit, por theksoi se këta profesionistë e të rinj kthehen në vendet e tyre dhe kontribuojnë me përvojën që kanë marrë, teksa mori si shembull edhe Gjermaninë.
“Sa i përket lirisë së lëvizjes për qëllime punësimi është nja nga avantazhet më të mëdha të BE. Të gjithë ata që do bashkohen në BE duhet ta pranojnë këtë koncept të lëvizjes së lirë për 400 milionë njerëz. Është shumë e lehtë për të rinjtë dhe gjithë ta tjerët të marrin vendimin për një gjë të tillë. Të punojnë në një vend tjetër dhe të kthehen. Është një koncept mjaft i mirë për ne. Keni të drejtë të thoni që rrjedhja e trurit është një problem për të gjithë ne, kjo vlen edhe për vendet anëtare. Por shihni që ata kthehen dhe vendi përfiton nga përvojat që ata kanë arritur jashtë. Ka mjaft gjermanë që punojnë për 10-15 vjet dhe kthehen, ka edhe nga ata që nuk kthehen. Ajo që duhet të bëjmë që njerëzit të qëndrojnë në vendin e tyre është shpresa. Të krijojmë një atmosferë të mirë ekonomike, të rrisim standardet e jetesës”, tha Scholz.
Ndërkohë, Ursula von der Leyen tha se procesi i rrjedhjes së trurit pakësohet sa më shumë afron anëtarësimi, nërsa si zgjidhje dha rritjen e standardit të jetesës.
“Kemi pasur një proces të rrjedhjes pjesore trurit në çdo vend që është në process anëtarësimit. Sa më shumë i afrohemi anëtarësimit, aq më pak pakësohet ky process. Zgjidhja është rritja e standardit të jetesës. Ka marrëveshje ndërkufitare për mjekët, në mënyrë që ata të shkëmbehen dhe të japin nga përvoja që kanë marrë”, tha presidentja e KE.
o.j/dita
vend i skllaveruar si shqiperia eshte destinuar per trafikantet, hajdutet e vrasesit.
rrofte allbania urupiane.
Skllaveri ne kohen e BE. Sklleverit shqiptar do jene gjithmone skllever te Europes.
Jetojme ne kohen e kozmopolizmit global e jo ksenofobise nacionale. Zgjedhja eshte e individit.