EMRAT / Manja i përgjigjet Alibeajt: Kush janë 8 përfituesit e dënuar nga GJKKO prej amnistisë penale

Ministri i Drejtësisë, Ulsi Manja në Kuvend ka listuar emrat e 8 përfituesve të dënuar nga GJKKO prej amnistisë penale.

Sipas Manjës, kanë përfituar jo zyrtarë të lartë.

• “Edmond Z. I, se kam idenë çfarë zyrtari ka qenë i janë falur 13 ditë
• Marginglen M. I dënuar shkelje të barazisë së tenderave i janë falur 5 muaj
• Marvin M, i dënuar 2 vite,  i janë falur 9 muaj
• Admir B, i janë falur 3 muaj e 25 ditë
• Eduard. R, është dënuar me 3 vite e 6 muaj, i është falur 1 vit burg
• Hamza. T, i  dënuar me 1 vit, i janë falur 4 muaj
• Ubrahim G, i dënuar 8 muaj, i janë falur 26 ditë
• Erion.b,  i janë falur 14 ditë
• Lulzim Ç, është dënuar për ushtrim të ndikimi të paligjshme 1 muaj e 8 ditë

Këta të 8 në 20 përfituesit me ulje dënimi, kanë qenë për një nga veprat që listova. Të tjerët janë dënuar nga GJKKO por kanë përfituar për vepra të tjera”, tha Manja.

Enkelejd Alibeaj në interpelancë me ministrin e Drejtësisë Ulsi Manjën për amnistinë penale, i kërkoi të dhëna konkrete në lidhje me përfituesit e dënuar nga GJKKO që kanë përfituar nga amnistia.

Alibeaj tha se arsyeja e vërtetë e miratimit të amnistisë natën, ishte vetëm për arsye politike.

‘Mediat kanë raportuar sipas informacionit të marrë nga SPAK, mbi 100 të dënuar për korrupsion u amnistuan. Një ligj i gatuar në errësirën e natës, në shkelje të procedurës parlamentare, me shpejtësi, pjellë e një pazari transversal të pamoralshëm politik, nxori nga burgu apo uli dënimin e mbi 100 të dënuarve për korrupsion (e me gjasë të tjerë do vijojnë të përfitojnë ditët në vazhdim).

Mbi 110 deputetë u bënë bashkë për të nxjerrë të korruptuarit nga burgu.

Ajo që publiku është i interesuar të dijë është se përse janë liruar të dënuarit nga GJKKO. Cilët ishin propozuesit. A u konsultuan ndryshimet me institucionet e drejtësisë? Akoma nuk keni publikuar listën e përfituesve.

Sa ishte numri i përfituesve nga të dënuarit e GJKKO. S’dua ta bëj një lojë të neveritshme shifrat, por arsyet e vërteta të miratimit të amendamenteve natën janë politikë. Dihet mirë se cilat janë mesazhet që nëpërmjet kësaj amnistie ju dërguan publikut shqiptar.’- tha Alibeaj.

j.l./ dita