Pas katër ditësh është mbyllur procesi i numërimit në Qarkun e Tiranës. Dy KZAZ-të e fundit dhe me numrin më të lartë të banorëve, ajo nr. 31, që përfshin zonat rurale të Tiranës, dhe nr. 36, që mbulon Njësinë Bashkiake nr. 5 e kanë përfunduar numërimin e votës preferenciale në orët e para të mëngjesit.
Në faqen zyrtare të KQZ-së ende nuk janë reflektuar rezultatet e 10 kutive të fundit.
Deri tani, për demokratët kryeson Jorida Tabaku me 18.850 vota, duke lënë pas Ilir Alimehmetin, i cili shihej si një nga pretendentët kryesorë për të fituar.
Situata vazhdon të jetë e tensionuar mes dy kandidatëve Xhemal Qefalia dhe Orlando Rakipi, ku vetëm njëri prej tyre do të sigurojë një vend në Parlament. Rakipi kryeson me një diferencë shumë të ngushtë, vetëm 41 vota më shumë se Qefalia.
Situata është interesante edhe për socialistët, të cilët kanë fituar 19 mandate në kryeqytet, por votuesit janë treguar selektivë në votën preferenciale për kandidatët.
Anila Denaj ka ruajtur një distancë të dukshme nga gratë e tjera të PS-së, me mbi 2.941 vota deri tani. Por kjo qetësi nuk ka qenë e njëjtë për Blerina Gjylametin dhe Olta Xhaçkën, të cilat ndahen nga vetëm 24 vota në favor të Gjylametit.
Në Qarkun e Tiranës, “superkandidati” është Blendi Gonxhja me 21.809 vota. Në vend të dytë është ngritur Erjon Braçe, i cili një ditë më parë ishte në vendin e tretë. Ai ka marrë deri në këto momente 20.261 vota, duke lënë pas Ervin Hoxhën me një diferencë prej 1.497 votash.
Sytë e të gjithë kandidatëve janë tani te vota e diasporës, për të parë nëse ajo do të prodhojë rezultate domethënëse për kandidatët socialistë.
j.l./ dita
Ne nje shtet perendimor keta dy emra do ishin liderit kandidat per kryeministra
ppsh: ne nje shtet perendimor ndoshta po, po ja qe ne s’jemi shtet perendimor, por nje nuse e dyte apo e katert jug-lindore, dhe nje dashnore -si pune lavire- e perwndimorve!