Një aksident tragjik me pasojë vdekjen e një 23-vjeçari ka ndodhur rreth orës 03:00 të mëngjesit të sotëm në autostradën “Fier-Vlorë”, pranë Novoselës, ku një automjet me targa AB009GN ka humbur kontrollin duke u përplasur fort me barrierat mbrojtëse të rrugës.
Si pasojë e goditjes së rëndë, trupi i pajetë i shtetasit Albi Hoxha (i lindur në vitin 2002) është gjetur rreth 30 metra larg mjetit. Ndërkohë që grupi hetimor ndodhet në vendngjarje për të zbardhur rrethanat e plota të aksidentit dhe për të verifikuar nëse në momentin e përplasjes në automjet ndodheshin persona të tjerë.
Njoftimi i Policisë:
“Vlorë/Informacion paraprak. Sot, rreth orës 03:00, në vendin e quajtur mbikalimi i Novoselës, në aksin rrugor në drejtim të fshatit Akërni, automjeti me drejtues shtetasin A. H., 24 vjeç, banues në Fier, është përfshirë në një aksident rrugor.
Si pasojë e aksidentit, drejtuesi i mjetit A. H ka humbur jetën. Grupi hetimor po kryen veprimet për zbardhjen e plotë të rrethanave dhe përcaktimin e shkakut të aksidentit”, thuhet në njoftimin e policisë.
j.l./ dita
