Policia finalizoi operacionin “Intervent”, duke arrestuar 40-vjeçarin Elkjer Tafciu, autor i grabitjes së një marketi në Yzberishtditën e djeshme, nën kërcënimin e thikës.
I arrestuari u kap në Rrugën e Qelqit dhe rezulton me precedent penal për vjedhje me dhunë.
Punonjësja e marketit u dëmtua lehtë në dorë dhe është jashtë rrezikut për jetën. Materialet i kaluan Prokurorisë.
Njoftimi i policisë:
Finalizohet operacioni policor i koduar “Intervent”.
Identifikohet, kapet dhe vihet në pranga 40-vjeçari, që vodhi një shumë parash dje, në një market në Yzberisht, duke kanosur punonjësen, me thikë.
I arrestuari, me precendent penal për vjedhje me dhunë.
Shërbimet e Komisariatit të Policisë Nr. 6, në vijim të veprimeve intensive hetimore të kryera për zbardhjen e vjedhjes së kryer dje, në kërcënimin e thikës, në një market në Yzberisht, organizuan dhe finalizuan operacionin policor “Intervent”.
Si rezultat i operacionit u identifikua, u kap në Rrugën e Qelqit dhe u vu në pranga autori i dyshuar i vjedhjes, shtetasi E. T.(T), 40 vjeç, banues në Tiranë.
Punonjësja e marketit që u dëmtua në dorë, nga thika që mbante autori, në tentativë për ta ndaluar atë, mori mjekim dhe u largua nga spitali.
Materialet procedurale do t’i kalojnë Prokurorisë, për veprime të mëtejshme.
j.l./ dita
