EMRI: Baba Mondi nuk humbet kohë, cakton ambasadorin e posaçëm të “Shtetit Bektashi”

Një shkresë që po qarkullon në rrjetet sociale flet për caktimin e një ambasadori nga “shteti sovran i bektashinjve” në Tiranë.

Ndonëse mbetet e paqartë nëse shkresa është lëshuar nga Kryegjyshata Botërore e Bektashinjve të Tiranës, ajo ka një format zyrtar dhe njofton caktimin e Nik Grezdës si ambasadori i Urdhrit Sovran Bektashi që tashmë do të merret me punët e jashtme të “shtetit të ri”.

Letra u drejtohet ambasadave, duke u bërë të ditur se çdo komunikim për shtetin bektashi duhet ta zhvillojnë me ‘ambasadorin’ përgjegjës. Nuk dihet nëse letra është vërtet e dalë nga Kryegjyshata, pasi nuk ka vulë dhe firmë.

“Kemi dëshirën t’ju informojmë që nga ky moment e në vazhdim të gjitha komunikimet dhe kërkesat në lidhje me shtetin sovran të Urdhërit Bektashi duhet t’i adresoni personit përgjegjës, specifikisht për ndonjë mision diplomatik përgjigje apo pyetje për të organizuar mbledhje apo organizime në lidhje me Shtetin Sovran të Urdhërit Bektashi duhet t’i adresoheni personit përgjegjës Nik Grezda.

Ambasadori Grezda është caktuar për të shqyrtuar çdo kërkesë dhe për të adresuar çdo çështje që ka lidhje me Urdhrin Sovran të Shtetit Bektashi. Për të siguruar një komunikim sa më efektiv ju lutemi që çdo email dhe kërkesë formale në vazhdim t’i dërgohet ambasadorit Grezda në të dhënat si më sipër

E vlerësojmë shume marrjen në konsideratë të kërkesës sonë dhe bashkëpunimin tuaj. Për çdo pyetje apo sqarim të mëtejshëm ju lutem na kontaktoni. Ju falënderojmë për mirëkuptimin”, thuhet në letër.

j.l./ dita