Ledio Hysa, 29 vjeç, i dënuar nga Gjykata e Elbasanit me 4 vjet e 8 muaj burgim, për plagosjen me armë zjarri të një shtetasi, është ekstraduar nga Britania e Madhe në drejtim të Shqipërisë.
Hysa rezulton i dënuar për një ngjarje të ndodhur në vitin 2018 në qytetin e Belshit, ku plagosi me armë zjarri në këmbë një person, pas një sherri për motive të dobëta.
“Si rezultat i bashkëpunimit të Interpol Tiranës me Interpol Manchester, Britani e Madhe, është ekstraduar nga Britania e Madhe drejt Shqipërisë, shtetasi shqiptar Ledio Hysa, 29 vjeç.
Këtë shtetas, Gjykata e Rrethit Gjyqësor Elbasan, në vitin 2019, e ka dënuar me 4 vjet e 8 muaj burgim, për veprat penale “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe municionit”.
Shtetasi Ledio Hysa, në vitin 2018, afër liqenit të Seferanit, në Belsh, Elbasan, pas një konflikti për motive të dobëta, ka plagosur me armë zjarri pistoletë, në këmbë, shtetasin A. K”, thuhet në njoftimin e policisë.
a.c./dita
