Qeveria nuk do të aplikojë çmimin e katërfishuar të energjisë elektrike për sasinë e konsumuar mbi fashën 800 kilovat.
Vendimi u njoftua nga zv.kryeministrja dhe ministrja e Infrastrukturës dhe Energjisë, Belinda Balluku.
Ministrja citoi tre faktorë që çuan në shtyrjen e vendimit. I pari ishte, sipas saj, rënia e konsumit nga ana e qytetarëve, së dyti parashikimet për reshje në ditët në vijim dhe së treti ulja e çmimit të energjisë në tregjet ndërkombëtare.
“Në përfundim të tetorit shifrat tregojnë se konsumi i energjisë është 7 për qind më pak. E kemi nisur nga administrata duke dhënë shembullin tonë, duke vendosur një target 15 për qind më pak konsum se një vit më parë. Shifrat e kursimit të energjisë për muajin tetor janë domethënëse dhe na japin mundësinë që fashën prej 800 kilovatësh të mos e aplikojmë as për muajin nëntor. Presim evente meteorolgjike në kaskadën e Drinit dhe prurje nga RMV pas 13 nëntorit”, tha Balluku.
Nga të dhënat e Ministrisë së Energjisë, konsumi në muajin tetor ishte 7 për qind më pak se i njëjti muaj i vitit të kaluar.
Ndërkohë, çmimi i një megavati në tregjet ndërkombëtare është ulur nga 450 euro në 250 euro. Në këtë deklaratë, ministrja Balluku tha se qytetarët po i përgjigjen pozitivisht si thirrjes për kursim, ashtu edhe skemës për vendosjen e paneleve diellore për ngrohjen e ujit.
o.j/dita
O ministre e energjisë, qënke një injorante mjerane, prap nuk e kuptove që mender fashua jote dhe e Edi Ramës është 800 kwh e jo 800kw dhe 450 apo 250 euro nuk është çmimi për një megawat por për 1 megawatorë (1Mwh). Mos ofendo njrezit e qytetruar dhe të ditur me injorancën tënde të neveritshme duke qënë kaq kokforte në këtë injorancë patologjike. Është turp që të jesh ministre e energjisë dhe të mos dish se me cilën njësi matet energjia që ti fatkeqsisht menaxhon, megjithëse soji juaj nuk ka turp të turpërohet, u ka zgjedhur Edi Rama me qiri në dorë në mes të ditës tamam si vehtja e tij.
I keni bo shqiptaret me zemer. U hoq fasha kete muaj , u ngrit fasha muajin tjeter, jo fasha nuk do rritet per kete muaj