Presidenti turk Rexhep Tajip Erdogan ngriti sërish “aksionet” , duke akuzuar Greqinë për kryerjen e një “pushtimi të fshehtë” të ishujve të Egjeut lindor.
“Armët e grumbulluara në Trakinë Perëndimore dhe në ishuj nuk kanë kuptim për ne, sepse forca jonë e tejkalon shumë atë, por ju kujtojmë se kjo do të thotë një pushtim i fshehtë”, tha Erdogan në një takim të krerëve provincialë të partisë së tij AKP në Ankara, duke iu referuar në rajonin verior grek të Trakisë Lindore.
Komentet e presidentit turk erdhën një ditë pasi Ankaraja pretendoi se automjetet e blinduara të SHBA-së me rrota që transportohen në Egjeun Lindor shkelin statusin e tyre të supozuar të “çmilitarizuar”.
Në të njëjtin takim të martën, Erdogan akuzoi gjithashtu Greqinë se është ndër vendet evropiane që strehojnë terroristë.
“Vrasësit që derdhën gjakun e qytetarëve tanë janë përqafuar pothuajse në çdo vend të Evropës, veçanërisht në kampin e Lavrios në Greqi. Ata mund të ecin lirisht duke tundur krahët,” citoi Anadolu Agency, një ditë pasi një oficer u vra në një sulm në një zonë policie për të cilën fajësohet grupi gueril kurd PKK.
