ERE miraton shtyrjen e fashës 800 kWh për nëntorin, mbetet në fuqi në dhjetor

Enti Rregullator i Energjisë ka miratuar shtyrjen e fashës 800 Kwh për muajin nëntor dhe lënien në fuqi të saj për muajin dhjetor.

Ky vendim u mor në mbledhjen e sotme që zhvilloi bordi i ERE-s. Vendimi erdhi pas aplikimit nga OSHEE dhe KESH se kostot për muajin nëntor kanë mbetur të pandryshuara në lidhje me sigurimin e energjisë elektrike.

Vendimi i ERE:

“Në kushtet kur kostot e energjisë elektrike për muajin nentor 2022 nga FSHU-ja janë të njëjta me blerjen e energjisë përpara marrjes së vendimit të bordit, vlerësojmë se çmimet e shitjes për klientët që furnizohen në kushtet e furnizmit universal nga shoqëria FSHU sha të vijojnë të mbeten të pandryshuara. I propozojmë Bordit të ERE-s: Miratimin e çmimit të shitjes së energjisë elektrike prej 42 kilovat orë për konsumin mbi 800 kWh për klientët familjar për periudhën 1 dhjetor -31 dhjetor. Lënia në fuqi e çmimit të shitjes me pakicë të energjisë elektrike të FSHU sha për konsumatorët familjarë prej 9.5 lekë për kWh të miratuar me anë të vendimit të Bordit të ERE-s nr 74 dt 13.4.22 për muajin nentor 2022”.

Enti Rregullator i Energjisë ka miratuar propozimin e Furnizuesit të shërbimit universal për aplikimin e rritjes së çmimit të energjisë elektrike për konsumin mbi 800 Kw/h për abonentët familjarë.

j.l./ dita