Kuvendi ka pranuar kërkesën e një grupi prej 15 deputetësh të opozitës për të thirrur në seancë plenare drejtuesin e ERE, për të dhënë shpjegime lidhur me rritjen e çmimit të energjisë pas pranimit të vendimit të qeverisë për vendosjen e fashës 800kwh.
“Të gjithë jemi dakord, kundër nuk ka, kërkesa pranohet dhe do mblidhet konferenca e kryetarëve që do përcaktojë kohën e debatit”, tha kryetarja e Kuvendit.
Një ditë më parë është botuar në Fletoren Zyrtare vendimi për rritjen e çmimit të energjisë elektrike për abonentët familjarë. Vendimi i ERE-s përcakton se deri në 800 kilovatë, çmimi i aplikuar do të jetë 9.5 lekë, ndërsa për çdo kilovat të harxhuar mbi pragun e caktuar tarifa do të jetë 42 lekë.
Çmimet e ndryshuara, thuhet më tej, do të jenë në fuqi për periudhën 1 tetor deri në 31 dhjetor.
“Çdo palë e përfshirë në këtë procedurë mund t’i kërkojë ERE-s, brenda 7 ditëve kalendarike nga data e marrjes së vendimit, rishikimin e vendimit të Bordit në rast se ka siguruar prova të reja që mund ta çojnë Bordin në marrjen e një vendimi të ndryshëm nga i mëparshmi apo për gabime materiale të konstatuara. Për këtë vendim mund të bëhet ankim në Gjykatën Administrative Tiranë, brenda 30 ditëve kalendarike nga dita e publikimit në Fletoren Zyrtare”, thuhet në mbyllje të vendimit, duke lënë të kuptohet se nuk ka pasur një vendimmarrje të dytë nga ana e ERE-s për ndryshim të tarifave.
Por, ky qëndrim ka ngjallur konfuzion te qytetarët, pasi tarifat e miratuara përcillen tek OSHEE. E pyetur mbi këtë çështje, zëvendëskryeministrja Belinda Balluku tha se me miratimin e vendimit, fusha e përgjegjësisë së Entit Rregullator të Energjisë ka përfunduar dhe është e drejta e qeverisë të aplikojë apo jo fashën.
“ERE shprehet për miratimin e çmimit, çdo kWh mbi 800 do kushtojë 42 lekë. Kjo është detyra e ERE-s. Ia bëmë kërkesën në muajin shtator dhe pasi e shqyrton vendosi ta miratojë, këtu mbaron fusha e përgjegjësisë së EREs. Qeveria shqiptare ka të drejtën nëse e aplikon apo jo fashën. Jemi të lumtur që ia kemi dalë për shkak të konsumit më të ulët që nuk e aplikojmë gjatë muajit tetor. ERE ka marrë vendim mbi çmimin, qeveria ka marrë vendim në shtator dhe vazhdon ta mbajë atë vendim për të mbrojtur konsumatorët”, tha Balluku.
j.l./ dita
Po mire o gazeta DITA:
Ne fillim flisni per fasha me kilovatore kWh Dhe pastaj ja fusni si kau peles me kilovate kW si te gjithe pushetaret dhe media e Rilindjes Injorante Enveriste te Edvinit
sepse:
INTELEKTUALI I PROPOZON MINISTRES BALLUKU QE TA MASE ENERGJINE ME KILOGRAM OSE ME METER LINEAR QE TE MOS BEHEN ME GABIME TRASHANIKE QE NA TREGOJNE SI POPULL ZULU PREJ AFRIKE NE SYTE E BOTES
Çmimi per fashen deri në 800 kWh nuk është 9.5 lek/kwh, por 11.4 lek/kwh dhe për fashen mbi 800 kwh çmimi nuk është 42 lekë/kwh por 50.4 leke/kwh. Këto janë mashtrime të qeverisë, sepse çmimet e deklaruara nga qeveria janë pa TVSH, ndërsa familjaret shqiptare paguajne edhe TVSH-ne e energjisë të harxhuar. Pra çmimet që do të paguajnë faliljet shqiptare janë 20% më të larta se ato që deklaron Qeveria. Çfarë Qeveri mashtruese!