Në një intervistë televizive deputeti socialist Erion Braçe thotë se korrupsioni është sot problem madhor por ai nuk është problem i qeverisë sesa i qeverisjes.
“ Shqipëria ka një problem konstant me korrupsionin në 33 vite dhe kjo e ka bërë një fenomen të qëndrueshëm në segmente të ndryshme te qeverisjes e ka bërë edhe kulturë veçanërisht në shërbime. Drejtësia është elementi kyç për të luftuar korrupsionin përtej modernizimit”, tha Braçe.
Ai shtoi se nuk ka asnjë vlerë që të hyjë dikush na burg nga nivele të larta teksa korrupsioni vijon me të njëjtin intensitet. Braçe shigjetoi dhe figurat kandidatë për kryetarë bashkie që preferohen mjekë në shumë raste, duke i konsideruar ata magnet votash.
“Çfarë janë këta deputetët apo kandidatë për deputetë apo kandidatë për kryetarë bashkie që blejnë vota janë njerëz që disponojnë para në rrugë informale, korrupsioni apo shmangie fiskale tatimesh e taksash. Janë të pandëshkueshëm ata. Konkurroj unë dot me ta?
Si e shpjegoni ju që kandidojnë mjekë kohë pas kohe? Si deputet i kuptoj por si drejtues pushteti vendor si?! Kemi patur kryeministër por këta janë thjesht magnet votash por me pasojë në fund që mund të jetë një dështim…”, tha Braçe.
m.b./dita
