Sjellja në jetë e fëmijëve nëpërmjet lindjeve me operacion, mbetet një trend global. Edhe në Shqipëri, shpesh gratë priren t’i shmangen lindjes natyrale, e në disa raste, këtë e diktojnë dhe kushtet shëndetësore të nënës.
“Tendenca e lindjeve me operacion vazhdon të jetë e lartë. Në jemi te 38-39% e lindjeve, por edhe për shumë shkaqe të tjera, në Tiranë vijnë rastet më të komplikuara, por kemi shumë punë për të bërë në këtë drejtim, lindja natyrale është shumë më e mirë”, thotë Eljona Demalia, drejtore e maternitetit “Mbretëresha Geraldinë”.
Lindjet janë vetëm një pjesë e punës në spitalin obstetrik-gjinekologjik “Mbretëresha Geraldinë” i cili ka mbledhur ekspertët e fushës për të diskutuar mbi risqet që sjellin ndërhyrjet kirurgjikale.
“Çdo paciente që vjen në maternitet për të lindur bart me vete riskun për hemorragji të mundshme, mund të jetë gjatë lindjes ose pas lindjes. Ne e kemi procedurë; çdo paciente duhet të sigurojë gjak paraprakisht dhe gjaku sigurohet mbi baza vullnetare dhe familjarët”, shprehet Zef Delia, reanimator.
Zbatimi i protokolleve gjatë shtatzënisë, vitet e fundit po ndiqen gjithmonë e më shumë edhe nga nënat e reja.
o.j/dita
